JAN 06 (Mareeg24.com) Ra’iisul wasaaraha Canada Justin Trudeau ayaa iska casilay hogaamiyenimadiisa xisbul xaakimka Canada ka dib muddo ku dhow 10 sano oo uu ra’iisul wasaare ahaa.
Trudeau wuxuu ka sheegay shir jaraa’id oo uu ku qabtay Ottawa in uu sii hayn doono ra’iisul wasaarenimada ilaa iyo inta xisbiga liberalka uu xulan doono hogaamiye cusub.
Cadaadis weyn ayaa Trudeau ka haystay gudaha xisbiga iyo meelo kale, ayadoo culays lagu saaray inuu xilka ka dego dhowrkii todobaad ee lasoo dhaafay, wuxuuna go’aansaday ugu dambeyn inuu maanta is casilo.
